Samarqand viloyat yuridik texnikumi

Viloyatimizda shu kunlarda yoshlar festivali doirasida tadbirlar o‘tkazilmoqda. Bu tadbirda Samarqand viloyat yuridik texnikumi talabalari ham ishtirok yetishdi.

Ayni paytda Samarqand shahridagi yoshlar markazida ana shunday tadbirlardan biri - “Hokim va yoshlar” uchrashuvi o‘tkazildi. Unda shahar hokimi B.Obloqulov Samarqandlik yigit-qizlarning taklif va muammolarini tingladi.

         Samarqand viloyati yuridik texnikumi 1-bosqich o‘quvchilari Samarqand viloyati adliya boshqarmasida o‘tkazilgan "Ochiq eshiklar kuni" tadbirlarida ishtirok etdi.

         Unda o‘quvchilar boshqarma hayoti, ish jarayoni, bo‘limlar va ularning vazifalari hamda bugungi kunda amalga oshirilayotgan ishlar bilan tanishdi.

Shuningdek, o‘quvchilarga boshqarma mas'ul xodimlari tomonidan "Korrupsiya taraqqiyot kushandasi" mavzusida ma'ruza o‘qildi hamda ularni qiziqtirgan boshqa savollarga javob berildi.

 "Ochiq eshiklar kuni" yakunida o‘quvchilar tomonidan bugungi uchrashuv bo‘yicha o‘z fikr-mulohazalarini bildirish imkoni berildi hamda bunday tadbirlarni doimiy o‘tkazib borishga kelishib olindi.

Samarqand viloyati yuridik texnikumi  xamshirasi Sh.Kubayeva hamda texnikum yoshlar bilan ishlash bo‘limi F.Sodiqov tomonidan o‘quvchilarga an'anaviy ta'lim davrida Covid-19  va boshqa kasalliklarni oldini olishga qaratilgan targ‘ibot - tashviqot ishlarini olib bordi.

Texnikum o'quvchilari Adliya boshqarmasida o'tkazilgan Konstitutsiyamizning 28 yillik tadbirida.

O‘zbekiston  Respublikasi  Prezidentining  “O‘zbekiston Respublikasida yuridik ta'lim va fanni tubdan takomilashtirish bo‘yicha qo‘shimcha     chora-tadbirlari to‘g‘risida”gi 2020 yil 29 apreldagi PF-5987-Farmonida belgilangan vazifalarni bajarish, texnikum o‘qituvchilariga zamonaviy ta'lim berish metodlari va yangi ilg‘or pedagogik texnologiyalarni dars jarayonida qo‘llash ko‘nikmalarini shakllantirish maqsadida Samarqand viloyati yuridik texnikumida o‘quv-metodik bo‘lim boshlig‘i va uslubchilari tomonidan  joriy yilning 3 dekabr kuni soat     12 00   da texnikum binosida “Konstitusiyaviy xuquq” fanidan “Konstitusiyaviy huquq va erkinliklar hamda burchlar” mavzusida “Maxorat darsi” onlayn (ZOOM) tartibida  o‘tkazildi.

           Ishtirok etuvchilar:

             Samarqand viloyati iqtisodiy ishlar bo‘yicha  sudi sudyasi  M.Do‘stmatova, SamDU o‘qituvchilari dotsent X.Mamatov va texnikum o‘qituvchi va o‘quvchilari.

        “Maxorat darsi”ni o‘tkazishdan maqsad amalga oshiriladigan faoliyat yuzasidan qonun hujjatlari, tajriba va ijodiy amaliyot bo‘yicha tajriba hamda axborot almashish, yoshlar va professional ta'lim tizimida olib borilayotgan islohotlar va vazifalarni amaliy hayotda ijrosini ta'minlashga o‘zaro ko‘maklashish, o‘quv jarayoniga tegishli mutaxassislik va kasblar bo‘yicha boy ish tajribasiga ega bo‘lgan amaliyotchi mutaxassislarni keng jalb qilishdan iborat.

 Samarqand viloyat yuridik texnikumi

O‘quv-metodik bo‘limi