Самарқанд вилоят юридик техникуми

Жорий йилнинг 16-17 январь кунлари Самарқанд вилоят юридик техникумида футбол мусобақаси – Самарқанд вилоят адлия бошқармаси бошлиғи Кубоги ўтказилди.  Мазкур мусобақада жами 8 та жамоа иштирок этди.

Улар:

1.Бошқарма бошлиғи жамоаси;

2.Бошқарма бошлиғининг биринчи ўринбосари жамоаси;

3.Бошқарма бошлиғининг ўринбосари жамоаси;

4.Шарқий туманлар адлия бўлимлари жамоаси;

5.Ғарбий туманлар адлия бўлимлари жамоаси;

6.Самарқанд вилоят юридик техникуми жамоаси;

7.Давлат хизматлари агентлигининг Самарқанд вилоят бошқармаси жамоаси;

8.Нотариуслар жамоаси.

Жамоалар  “А” ва  “Б” гуруҳларга бўлинган ҳолда ўзаро беллашдилар.

Мазкур мусобақада бўлиб ўтадиган ўйин жараёнларини бошқариш мақсадида Самарқанд вилоят “Мини-футбол” (Футзал) Ассоциацияси бош ҳаками Исматов Музаффар Рахматович жалб этилди.

    Икки кун давомида муросасиз кечган беллашувда қуйидаги ғолиблар аниқланди:

     3-ўринни Самарқанд вилоят юридик техникуми жамоаси,

     2-ўринни Бошқарма бошлиғи жамоаси,

      Ва ниҳоят 1-ўрин Бошқарма бошлиғининг биринчи ўринбосари жамоасига насиб этиб, Бошқарма бошлиғи Кубогини қўлга киритди.

Мусобақанинг финал баҳси бошқарма бошлиғи жамоаси ҳамда бошқарма бошлиғининг биринчи ўринбосари жамоаси ўртасида бўлиб ўтди.

            Бундан ташқари, мазкур мусобақада иштирок этган жамоаларга, шунингдек энг яхши иштирок этган қатнашчиларга бошқарма бошлиғи томонидан Ташаккурнома ва фахрий ёрлиқлар топширилди.

Ўзбекистон Республикаси Президентининг 2020 йил 17 декабрдаги Ф-5614-сон фармойиши билан тасдиқланган “Ўзбекистон Республикаси Қуролли Кучлари ташкил этилганлигининг 29 йиллиги ҳамда Ватан ҳимоячилари кунини нишонлашга тайёргарлик кўриш ва ўтказишга бағишланган ватанпарварлик ойлигини 2020 йил 18 декабрдан 2021 йил 18 январга қадар ўтказиш бўйича чора-тадбирлар дастури”нинг

25-бандига мувофиқ Самарқанд вилояти юридик техникумда “Ватанпарварликни мен қандай тушунаман ?” мавзусида иншолар танлови ташкил этилди.

 Танлов 2021 йил 13 январь санасида юридик техникумнинг Ахборот ресурс маркази ўқиш зали ҳамда “Маънавият ва маърифат хонаси”да катта тантана билан ўтказилди. Танлов адолатлилик, ошкоралик ва холислик принципларига қатъий риоя этган ҳолда ташкил этилди ва алоҳида назоратга олинди. Танловда юридик техникумнинг 50 нафар ўқувчилари ўз иқтидорларини намойиш этишди.

 Самарқанд вилояти юридик техникум ёшлар билан ишлаш бўлими.

2021 йил 7 январь куни Самарқанд вилояти юридик техникуми ўқитувчи-ходимлари иштирокида "Стресс ва салбий эмоцияларни бошқариш"  мавзусида стресс ҳолатларини енгиш бўйича семинар-тренинг ўтказилди.

 Тренинг машғулотини юридик техникум психологи Исмаилова Нафиса олиб бориб, мавзуга оид ўз маърузаси билан иштирок этди.

Тренингнинг мақсади педагогларнинг эмоционал зўриқишини енгиллаштириш, стрессоген ҳолати даражасини аниқлаш, эмоционал ҳолатни бошқариш усулларини ҳосил қилиш, кайфиятни яхшилаш усулларини ўргатиш, деб ҳисобланди.

 Тренингда олиб борилган “Танишув” машқида тренер машқни биринчи бўлиб бошлади,  коптокни ушлаб туриб, ўз исмини айтди ва ўзига тааллуқли характер хусусиятини гапириб ўтди, бунда хусусият исмининг бош ҳарфидан келиши керак бўлди.

 “Кўзгуда саломлашиш” машқида иштирокчилар айлана бўйлаб гуруҳ билан сўз ва ҳаракатлар орқали сўрашдилар, қолганлар ўзларини кўзгу деб тасаввур қилиб, кўрганларини акс эттирдилар.

 Тренинг сўнгида фаол иштирокчиларга эсталик совғалари топширилди.

 Самарқанд вилояти юридик техникуми.

2020 йилнинг 28 декабоь куни Самарқанд вилояти юридик техникумида “Қишки таътил пайтида ўқитувчилар билан ўтказиладиган ўқув-амалий семинарлар” жадвалига мувофиқ “Хусусий-ҳуқуқий фанлар” кафедраси мудири доц.Ғуломов Акмалжон Шукуриллаевич “Кафедра ўқитувчиларининг ўқув тусдаги соатларни бажаришлари ва ҳисобот юритишларини тартиби” мавзусида маъруза қилди.

Унда Тошкент давлат юридик университети кенгашининг 2020 йил 6 ноябрдагинавбатдан ташқари 3-сон мажлис баёнига1-илова сифатида тасдиқланган “Ўзбекистон Республикаси Адлия вазирлиги юридик техникумлари педагог ходимларнинг шахсий иш режасидаги тадбирлар рўйхати ва уларнинг минимал соатлари” ҳақида ҳужжатнинг мазмунига тўхталиб ўтилди. Семинарда ўқув тусдаги соатларнинг ҳажми, унинг бажарилиши билаан боғлиқ масалалар муҳокама қилинди.

Семинар жараёнида техникумнинг барча ўқитувчилар фаол иштирок этиб, ўзларининг фикрлари билан ўртоқлашдилар.

 Самарқанд вилояти юридик техникуми.

Кириб келаётган Янги - 2021 йилингиз муборак бўлсин !

        Бугун Самарқанд вилояти юридик техникумида касаба уюшмаси ҳамда ёшлар билан ишлаш бўлими  ташаббуси билан техникумдаги барча ўқитувчи-ходимлар, ишчи-хизматчилар учун янги йил байрам тадбири ташкил этилди.

         Байрамда юридик техникум директорининг биринчи ўринбосари О.Тошниёзов, директорнинг молия-хўжалик ишлари бўйича ўринбосари М.Сиддиқов, директорнинг ёшлар билан ишлаш бўйича ўринбосари Ж.Отақулов ҳамда 50 нафар ўқитувчи-ходимлар иштирок этди.

О.Тошниёзов ҳамда жамоанинг фаол аъзолари йиғилганларни Янги-2021 йил билан қутлаб, ўзининг самимий тилакларини билдириб ўтди. Якунда йиғилганларнинг барчасига юридик техникум касаба уюшмаси томонидан тайёрланган совғалар топширилди.

Самарқанд вилояти юридик техникуми