Самарқанд вилоят юридик техникуми

2021 йил 10 февраль куни  Самарқанд вилояти юридик техникумида Заҳириддин Муҳаммад Бобур таваллудининг 538 йиллиги кенг нишонланди.

Ўзбекистон Республикаси Президентининг 2020 йил 19 октябрдаги "Буюк шоир ва мутафаккир Алишер Навоий таваллудининг 580 йиллигини кенг нишонлаш тўғрисида"ги қарори ижросини таъминлаш, аждодлар меросини асраб авайлаш ҳамда ёшлар маънавиятини юксалтириш мақсадида 2021 йил 9 феврал куни Самарқанд вилояти юридик техникумида "Навоий сиймоси ва асарлари саҳнада” мавзусида маънавий-маърифий тадбир бўлиб ўтди.

Тадбирда юридик техникумнинг иқтидорли ва ижодкор 1-босқич ўқувчилари иштирок этиб, йиғилганларни бугунги тадбирнинг мазмун-моҳияти ҳамда аҳамиятини ғазал, рубоий, саҳна кўринишлари ҳамда бошқа ижодий кўринишлар орқали ҳавола этди.

Тадбирда техникумнинг ўқув ишлари бўйича биринчи ўринбосари О.Тошниёзов сўзга чиқиб, бугунги тадбирни ташкил этишда фаоллик кўрсатган техникумнинг мониторинг ва ички назорат бўлими бошлиғи Г.Маманазарова, техникум психологи (Н.Исмоилова), ёшлар бўлими услубчиси (Ф.Содиқов), Ахборот технологиялари ва ўқитишнинг техник воситалари бўлими етакчи мутахассиси(Ф.Аллаёров)  ҳамда ахборот ресурс маркази раҳбари (Г.Исоқова)ларга ўз минатдорчилигини билдирди ва  байрам билан барчани қутлади.   

Ёшлар маркази биносида Самарқанд шаҳар Сардорлар Кенгаши томонидан республика буйруғига кўра, “Болалар Пресс Клуби” ташкил этилди.

“Болалар пресс клуби” спикерлари СамД ЧТИ талабаси Самадова Маржона, Юридик техникуми 1-курс талабаси Носирова Динара, Самарқанд вилоят “Иттифоқ” йўналиш сардори Ҳасанов Хуршеджон, Самарқанд шаҳар “Иттифоқ” сардори Джамолов Жавлон.

 Бугунги пресс клубда 100 нафардан ортиқ ёшлар қатнашиб, 30 нафарга яқин ёшлардан ажойиб лойиҳа ва таклифлар беришди.

Пресс клубда фаол қатнашганлар Ташаккурнома ва китоблар билан тақдирланди

2020 йил 29 январь куни Самарқанд вилояти адлия бошқармаси катта мажлислар залида Самарқанд вилояти адлия бошқармаси бошлиғи Салоҳиддин Нуриев, Ёшлар ишлари агентлиги Самарқанд вилояти бошқармаси бошлиғи Хусан Тўхтаев ҳамда юридик техникум ўқувчилари, СамДУ юридик факультет талабалари учрашуви бўлиб ўтди.

 Учрашувда юридик техникум ўқувчилари ҳам фаол иштирок этиб, ўзларини қизиқтирган саволларга батафсил жавоб олдилар.

 Шунингдек, учрашувда техникум ўқувчилари томонидан "Сайёр судлар"ни техникум суд залида ҳам ўтказилиши, спортнинг мини-футбол тури бўйича "Адлия бошқармаси бошлиғи кубоги"ни ташкил этиш, тумун (шаҳар) адлия бўлимлари томонидан техникумда "Китоб совға қилиш акцияси"ни ўтказиш каби таклифлар ҳам берилди ва уларнинг ижроси назоратга олинди. 

 Шу билан бирга, учрашувда Самарқанд вилояти адлия бошқармаси, Ёшлар ишлари агентлиги Самарқанд вилояти бошқармаси ўртасида ўзаро ҳамкорликни мустаҳкамлаш ҳамда ривожлантириш мақсадида "Англашинув меморандуми" имзоланди.  

Жорий йилнинг 16-17 январь кунлари Самарқанд вилоят юридик техникумида футбол мусобақаси – Самарқанд вилоят адлия бошқармаси бошлиғи Кубоги ўтказилди.  Мазкур мусобақада жами 8 та жамоа иштирок этди.

Улар:

1.Бошқарма бошлиғи жамоаси;

2.Бошқарма бошлиғининг биринчи ўринбосари жамоаси;

3.Бошқарма бошлиғининг ўринбосари жамоаси;

4.Шарқий туманлар адлия бўлимлари жамоаси;

5.Ғарбий туманлар адлия бўлимлари жамоаси;

6.Самарқанд вилоят юридик техникуми жамоаси;

7.Давлат хизматлари агентлигининг Самарқанд вилоят бошқармаси жамоаси;

8.Нотариуслар жамоаси.

Жамоалар  “А” ва  “Б” гуруҳларга бўлинган ҳолда ўзаро беллашдилар.

Мазкур мусобақада бўлиб ўтадиган ўйин жараёнларини бошқариш мақсадида Самарқанд вилоят “Мини-футбол” (Футзал) Ассоциацияси бош ҳаками Исматов Музаффар Рахматович жалб этилди.

    Икки кун давомида муросасиз кечган беллашувда қуйидаги ғолиблар аниқланди:

     3-ўринни Самарқанд вилоят юридик техникуми жамоаси,

     2-ўринни Бошқарма бошлиғи жамоаси,

      Ва ниҳоят 1-ўрин Бошқарма бошлиғининг биринчи ўринбосари жамоасига насиб этиб, Бошқарма бошлиғи Кубогини қўлга киритди.

Мусобақанинг финал баҳси бошқарма бошлиғи жамоаси ҳамда бошқарма бошлиғининг биринчи ўринбосари жамоаси ўртасида бўлиб ўтди.

            Бундан ташқари, мазкур мусобақада иштирок этган жамоаларга, шунингдек энг яхши иштирок этган қатнашчиларга бошқарма бошлиғи томонидан Ташаккурнома ва фахрий ёрлиқлар топширилди.