Samarqand viloyat yuridik texnikumi

Samarqand viloyati yuridik kolleji "Mehnat huquqi" fani o‘qituvchisi F.Berdiqulova tomonidan "Mehnat shartnomasini o‘zgartirish" mavzusida ochiq dars o‘tkazildi. Darsda "Issiq kartoshka", "Klaster" hamda "Everest cho‘qqisi" kabi yangi pedagogik texnologiyalardan foylanildi. Shuningdek, o‘quvchilar fanga oid turli kazus svolllarni mahorat bilan ishladi.

Samarqand viloyati yuridik kollejida O‘zbekiston Respublikasi Prezidenti Administratsiyasining 2019 yil 7 noyabrdagi 25445-xh-sonli topshiriq xatiga muvofiq “Men shu aziz Vatan farzandiman” shiori ostida turkum ma'naviy-ma'rifiy tadbirlar doirasida "Mening bag‘rikeng dunyoyim" mavzusida rasmlar va chizmalar ko‘rgazmasi o‘tkazildi.

Samarqand viloyati yuridik kollejida O‘zbekiston Respublikasi Konstitusiyasining 27 yilligi munosabati bilan “Adolat va qonun – xalq farovonligi ko‘zgusidir” shiori ostida "Adolat posbonlari", "Qalqon" hamda "Yosh mediklar" jamolari ishtirokida ma'naviy-ma'rifiy tadbir o‘tkazildi. Tadbirni adliya boshqarmasi boshlig‘i - yuridik kolleji direktori S.Nuriyev kirish so‘zi bilan ochib berib, kollejning barcha o‘qituvchi va o‘quvchilarini bayram bilan tabrikladi.  Tanlovda "Qalqon" jamoasi 1-o‘rinni, "Yosh mediklar" jamoasi 2-o‘rinni, "Adolat posbonlari" jamoasi 3-o‘rinni qo‘lga kiritdi hamda diplom va estalik sovg‘alari bilan taqdirlandi. Shuningdek, tadbirda O‘zbekiston Respublikasi Konstitusiyasining 27 yilligi munosabati bilan o‘tkazilgan insholar tanlovi g‘oliblari ham tantanali ravishda o‘qib eshittirildi.

Samarqand viloyati yuridik kollejida “Hayotidan mamnun voyaga yetayotgan farzand jinoyatga qo‘l urmaydi” mavzusida yoshlar o‘rtasida jinoyatchilik va huquqbuzarliklarni oldini olish hamda ularning profilaktikasiga bag‘ishlangan davra-suhbati o‘tkazildi. Unda Xo‘ja Abdumo‘min Jome' Masjidi bosh imom xatibi Jahongir Xo‘ja Xotamov, Samarqand shahar 2-son IIB profilaktika katta inspektori Elyor Samandarov hamda kollej rahbar-xodimlari hamda 150 nafar o‘quvchilar ishtirok etdi.

Samarqand viloyati yuridik kolleji o‘qituvchisi D.Raximova tomonidan O‘zbekiston Respublikasi Konstitusiyasining 27 yilligiga bag‘ishlangan guruhlar o‘rtasida ko‘rik-tanlov o‘tkazildi. Unda 302-guruh (F.Sodiqov), 304-guruh (D.Raximova), 305-guruh (A.Xakimov), 307A-guruh (F.Allayorov) hamda 314-guruh (N.Alqarov) o‘quvchilari ishtirok etdi. Yakunda 302-guruh o‘quvchilari g‘oliblikni qo‘lgan kiritdi.