Самарқанд вилоят юридик техникуми

Самарқанд вилояти юридик коллежида ўқувчи ҳамда ўқитувчиларнинг бўш вақтларини самарали ташкил этиш мақсадида тўгарак фаолияти йўлга қўйилган. Хусусан, "Ёш нотариуслар" фан тўгараги (Н.Тўлаев) доирасида ўқувчилар Самарқанд шаҳридаги нотариус идораларига ташриф буюрди. "Ингилиз тили" фан тўгараги доирасида (И.Очилова) ўқитувчи-ходимлар учун машғулотлар олиб борилди.

Самарқанд вилояти юридик коллежида ижро ишини юритиш ҳамда ҳужжатлар билан ишлаш бўйича ўқитувчи-педагоглар учун семинар-тренинг ўтказилди.

Самарқанд юридик коллежида “Китобхонлик” акцияси ўтказилди

Ўзбекистон Республикаси Адлия вазирлиги Самарқанд вилояти юридик коллежида бугун 2019 йил 4 сентябрь куни ўқишга тавсия этилган абитуриентларни муносиб табриклаш, уларга юртимизнинг барча жабҳаларида амалга оширилаётган кенг қамровли ислоҳотларни етказиш, шукроналик туйғусини шакллантириш ҳамда жонажон юртимизнинг келажаги йўлида хизмат қилиш  энг олий саодат эканлигини етказиш  мақсадида юридик коллеж ходимлари ҳамда ўқувчилари иштирокида фаоллар залида “Жонажон Ўзбекистоним, мангу бўл омон” шиори остида Мустақиллик дарслари кўтаринки руҳда ўтказилди. Тадбирда ўқувчиларнинг ота-оналари, Ўзбекистон ёшлар иттифоқи вакиллари, давлат бошқаруви органлари, маҳалий ҳокимият органлари раҳбарлари ҳамда кўп йиллар ҳуқуқшунослик соҳасида муваффақиятли фаолият олиб борган фахрийлар таклиф этилди ва иштирок этишди. Тадбирда Самарқанд вилоят прокуратураси фахрийлар кенгаши раиси Тугал Раджабов, вилоят судлар департаменти раҳбари Ориф Элмуродов, Республика ёзувчилар уюшмаси аъзоси, шоира Ойгул Маматова, ота-оналар кенгашидан 2019/2020 ўқув йили учун 1-курсга ўқишга тавсия этилган ўқувчи Нуриддинова Кумушбибининг онаси Мутабар Давировалар табрик сўзлари билан чиқиш қилдилар. Шунингдек, ўқувчиларга олдинги ўқув йилларда таълим муассасасида эълон қилинган танловлар ҳамда уларнинг ғолиблари ҳақидаги маълумотлар билан таништирилди ва 3-курсда таълим олаётган ўқув ва спорт соҳасида эришган муваффақиятлари учун бир қатор ўқувчилар фахрий ёрлиқ ва эсдалик совғалари билан тақдирландилар. Тадбирда концерт дастури (ёшлар мадҳияси) ўтказилди.

Самарқанд вилояти юридик коллежида 2019/2020 ўқув йили учун ўқитувчи-педагог ходимлар малакасини ошириш ҳамда ўқитишнинг янги педагогик технологияларини жорий этиш мақсадида ўқув-семинарлари бошланди. Семинарларда олий таълим муассасалари ўқитувчилари кенг жалб қилинди.