Самарқанд вилоят юридик техникуми

Самарқанд вилояти юридик коллежида “Ҳаётидан мамнун вояга етаётган фарзанд жиноятга қўл урмайди” мавзусида ёшлар ўртасида жиноятчилик ва ҳуқуқбузарликларни олдини олиш ҳамда уларнинг профилактикасига бағишланган давра-суҳбати ўтказилди. Унда Хўжа Абдумўмин Жомеъ Масжиди бош имом хатиби Жаҳонгир Хўжа Хотамов, Самарқанд шаҳар 2-сон ИИБ профилактика катта инспектори Элёр Самандаров ҳамда коллеж раҳбар-ходимлари ҳамда 150 нафар ўқувчилар иштирок этди.

Самарқанд вилояти юридик коллежи ўқитувчиси Д.Рахимова томонидан Ўзбекистон Республикаси Конституциясининг 27 йиллигига бағишланган гуруҳлар ўртасида кўрик-танлов ўтказилди. Унда 302-гуруҳ (Ф.Содиқов), 304-гуруҳ (Д.Рахимова), 305-гуруҳ (А.Хакимов), 307А-гуруҳ (Ф.Аллаёров) ҳамда 314-гуруҳ (Н.Алқаров) ўқувчилари иштирок этди. Якунда 302-гуруҳ ўқувчилари ғолибликни қўлган киритди.

Самарқанд вилояти юридик коллежи "Тил ўргатиш" кафедраси (Д.Сойипова, Д.Худойбердиева, Ф.Турсунова) томонидан Президентимизнинг 5 та муҳим ташаббуслари бўйича  "Миллий қўшиқ ва рақслар" фестивали ўтказилди. Унда ўқувчилар ўзларининг театр, рақс, шеърият ҳамда қўшиқчилик иқтидорларини йиғилганлар эътиборига намойиш қилди.

Самарқанд вилояти юридик коллежи ўқувчилари 2019 йил декабр ойида ўтказиладиган сайлов жараёнларида ёшларнинг фаоллигини ошириш мақсадида ташкил этилган "Ёш сайловчи - 2019" мавзусидаги форумни ташкил этиш ва ўтказишда фаол иштирок этди ҳамда бир қатор ташаккурномалар билан тақдирланди.

2019 йил 8 ноябр санасида Самарқанд вилоят юридик коллежи фаол ўқувчилари, бошқарув ходимлари ҳамда педагоклар иштирокида “Китоб ўқишнинг афзалликлари ҳамда жихатлари” мавзусида давра-суҳбати ўтказилди.