Самарқандда фавворалари сайли бўлиб ўтмоқда

Ҳар йили мамлакатимиз бўйлаб кенг нишонланадиган 1 май - Фавворалар куни Самарқандда катта тантана, оммавий сайлга айланиб кетади.

Бу йил ҳам азим кентда байрам тадбири юқори савияда ўтмоқда. Айни пайтда Кўксарой майдони, Университет хиёбони, Амир Темур ва Руҳобод майдонлари, Шоирлар хиёбони, Темирйўл вокзали майдони, Алишер Навоий номидаги марказий истироҳат боғидаги фавворалар атрофи сайилга чиққан ҳамюртларимиз ва меҳмонлар билан гавжум.

- Ҳар йили оилам билан фавворалар сайлига келишни анъанага айлантирганмиз, — дейди пастдарғомлик Зарина Маматқулова. — Фавворалар жазирама иссиқда салқинликни яратиб, барчамизга қулайлик беради. Бу айниқса фарзандларимизга жуда хуш ёқади.

Сайил иштирокчилари фавворалар олдида ўрнатилган саҳналарда санъаткорлар чиқиши, турли кўргазма ва халқ ўйинларини томоша қилмоқда.

Худди шундай сайиллар вилоятимизнинг ҳар бир туман ва шаҳарларида ўтказиляпти.

Бизни кузатиб боринг: |• телеграм | • фаcебоок | • инстаграм