Қадринг баланд бўлсин она тилим !

“Ўзбек тили байрами куни” муносабати билан Самарқанд вилояти юридик техникуми фаол ўқувчилари ҳамда “Зарафшон” ва “Самаркандский вестник” газеталари бош муҳаррири, Ўзбекистон Республикаси Олий Мажлис Сенати аъзоси Фармон Исхоқович Тошев иштирокида учрашув ўтказилди.

Тадбирни Самарқанд вилояти адлия бошқармаси бошлиғи ўринбосари - юридик техникум директори Тошниёзов Отабек Полвонович очиб бериб, йиғилганларга байрам табригини йўллади.

Учрашув давомида Фармон Исхоқович ўзбек тилининг тарихий илдизлари, унинг шаклланиш даврийлиги ҳамда унинг аҳамияти ҳақида ўқувчиларга батафсил маълумот берди.

Шунингдек, тадбирда фаол иштирок этган ёшларга Сенаторнинг эсталик совғалари топширилди.