Самарқанд вилоят юридик техникуми

      Бугун, 22-ноябр куни Ўзбекистон Республикасида илк маротаба Бирлашган Араб Амирликлари ҳукумати билан ҳамкорликда ўтказилган “Ўзбекистон давлат органлари фаолияти самарадорлигини баҳолаш” дастури ғолибларини тақдирлаш маросими бўлиб ўтди.

Маълумот учун: БАА ҳукумати томонидан миллий ривожланиш дастури, соҳавий стратегияларнинг ижросини таъминлашда юқори кўрсаткичларни қайд этган давлат органлари ва давлат хизматчиларини муносиб тақдирлаш мақсадида 2009-йилдан буён “Давлат органлари фаолияти самарадорлигини баҳолаш” дастури ҳар икки йилда бир марта амалга ошириб келинмоқда.

Мамлакатимизда ҳам БАА Бош вазири офиси билан ҳамкорликда жорий йилда биринчи марта “Ўзбекистон давлат органлари фаолияти самарадорлигини баҳолаш” дастури амалга оширилди.

Дастурда 17 та вазирлик ва 70 нафардан ортиқ вазирлик ходимлари 8 та номинатсия (3 та институсионал ва 5 та индивидуал) бўйича иштирок этди.

         Баҳолаш натижаларига кўра Адлия вазирлиги:

"Намунали вазирлик" номинатсиясида 1-ўринни;

 "Функсия, хизмат ва инноватсияларни амалга ошириш" номинатсиясида 1-ўринни;

"Интегратсиялашган механизмлар соҳасидаги намунали вазирлик" номинатсиясида 1- ўринни эгаллади.

Шунингдек, "Намунали вазир ўринбосари"  номинатсиясида адлия вазири ўринбосари Шерзод Рабиев 1-ўринга муносиб кўрилди.

Бундан ташқари, Адлия вазирлигининг бўлим бошлиғи Отабек Ҳақбердиев "Намунали ихтисослашган ходим" номинатсиясининг совриндори бўлди.

Ушбу юксак ва шарафли халқаро эътироф Адлия вазирлигининг 10 мингга яқин ходимлари фаолият юритувчи жамоасининг машаққатли ва шарафли меҳнати натижаси ҳисобланади. Адлия органлари халқ хизматида сидқидилдан фаолият юритишда давом этади.

Bizni kuzatib boring:  |• telegram | • facebook | • instagram