“Тарғибот поезди” юридик техникумида

Хабарингиз бор, Ўзбекистон Республикаси Адлия вазирлиги томонидан Тошкент давлат юридик университети билан биргаликда “Янги Ўзбекистонни биргаликда қурамиз” шиори остида “Тарғибот поезди” лойиҳаси ўтказилмоқда. Лойиҳа волонтёрлари Самарқанд вилояти юридик техникумига ташриф буюриб, Ўзбекистон Республикаси Конституцияси қабул қилинганлигининг 31 йиллиги муносабати билан тарғибот ишларини олиб боришди.

Унда Конституцияни янгилаш зарурати ва халқ конституциясининг асосий мазмун-моҳияти, “Ўзбекистон — ижтимоий давлат” ғоясининг аҳамияти ҳақида маълумот берилди.

Тарғибот қизғин савол-жавоблар билан ҳам эсда қоларли бўлди. Юридик техникуми ўқувчилари лойиҳа иштирокчиларига бир қатор қизиқарли саволлар билан юзланишди. Тарғибот сўнгида фаол иштирок этган ўқувчиларга сертификат ва эсдалик совғалари тақдим этилди.

Bizni kuzatib boring: |• telegram | • facebook | • instagram